ភ្នំពេញ ៖ យោងតាមរបាយការណ៍ពីនាយកដ្ឋានសណ្តាប់ធ្នាប់ នៃអគ្គស្នងការដ្ឋាននគរបាលជាតិប្រាប់ឲ្យដឹងថានៅថ្ងៃទី១១ ខែមីនា ឆ្នាំ២០១៧ មានករណីគ្រោះថ្នាក់ចរាចរណ៍នៅទូទាំងប្រទេសកើតឡើង ចំនួន ១០លើក ( យប់៦លើក ) បណ្តាលឲ្យមនុស្សស្លាប់ ៩នាក់ (ស្រី១) រងរបួសធ្ងន់ ៨នាក់ ( ស្រី១ ) និងរងរបួសស្រាល៥នាក់(ស្រី២) ។ ក្នុងនោះអ្នកមិនពាក់មួកសុវត្ថិភាព ពេលគ្រោះថ្នាក់ចរាចរណ៍ ១១នាក់ ( យប់៨នាក់ ) ។
នៅក្នុងហេតុការណ៍គ្រោះថ្នាក់ចរាចរណ៍ ១០លើកនេះ បណ្តាលឲ្យខូចខាតយានយន្ត សរុបចំនួន ១៦គ្រឿង រួមមាន ម៉ូតូ ចំនួន១០គ្រឿង រថយន្តធុនតូច ចំនួន៣គ្រឿង, រថយន្តធុនធំ ចំនួន៣គ្រឿង, ថ្មើរជើង ២នាក់ និងយានយន្តផ្សេងៗ ០គ្រឿង, កង់ ១គ្រឿង ។
មូលហេតុដែលបណ្តាលឲ្យកើតមានករណីគ្រោះថ្នាក់ចរាចរណ៍ រួមមាន ល្មើសល្បឿន ២លើក (ស្លាប់៤នាក់), មិនប្រកាន់ស្តាំ ១លើក (ស្លាប់១នាក់) , បត់គ្រោះថ្នាក់១លើក (ស្លាប់ ០នាក់) ប្រជែង ០លើក (ស្លាប់០នាក់) , ស្រវឹង ៤លើក (ស្លាប់៣នាក់) , មិនគោរពសិទ្ធិ ១លើក (ស្លាប់ ១នាក់), កត្តាយានយន្ត ០លើក (ស្លាប់០នាក់) , និង ងងុយដេក ០លើក ។
គ្រោះថ្នាក់នៅលើដងផ្លូវ រួមមាន ផ្លូវជាតិ ចំនួន ៦លើក, ផ្លូវខេត្ត/ក្រុង ចំនួន ៦លើក និងផ្លូវលំ ចំនួន ៤លើក ។ យានយន្តដែលបង្កហេតុ រួមមាន ម៉ូតូ ៥លើក, រថយន្តធុនតូច ចំនួន ២លើក និងរថយន្តធុនធំ ២លើក , ថ្មើរជើង ០នាក់ , យានផ្សេងៗ ២លើក ។
រាជធានី-ខេត្ត ដែលមានគ្រោះថ្នាក់និងរងគ្រោះថ្នាក់ រួមមាន ៖ ខេត្តេកំពង់ស្ពឺ ១លើក ស្លាប់ ៣នាក់ របួស២នាក់ ,កំពង់ចាម ២លើក ស្លាប់ ១នាក់ របួស២នាក់ ,ព្រៃវែង ១លើក ស្លាប់១នាក់ របួស១នាក់ , កំពង់ធំ ១លើក ស្លាប់១នាក់ របួស០នាក់ ,កែប ១លើក ស្លាប់១នាក់ និង ខេត្តបន្ទាយមានជ័យ ២លើក ស្លាប់ ២នាក់ របួស៣នាក់ ។
យោងតាមរបាយការណ៍គ្រោះថ្នាក់ចរាចរណ៍ផ្លូវគោក រយៈពេល ១១ថ្ងៃ គិតចាប់ថ្ងៃទី១ ដល់ថ្ងៃទី១១ ខែមីនា ឆ្នាំ២០១៧ កើតឡើង ចំនួន ១០៦លើក បណ្តាលឲ្យមនុស្សស្លាប់ ចំនួន ៥៨នាក់ រងរបួសសរុប ចំនួន ១៤៨នាក់ ក្នុងនោះរបួសធ្ងន់ ៩៩នាក់ និងរងរបួសស្រាល ចំនួន ៤៩ នាក់ ។
ព័ត៌មានពីនាយកដ្ឋានសណ្តាប់ធ្នាប់ នៃអគ្គស្នងការដ្ឋាននគរបាលជាតិប្រាប់បញ្ជាក់ឲ្យដឹងថា កាលពីថ្ងៃទី១១ ខែមីនា ឆ្នាំ២០១៧ លទ្ធផលត្រួតពិនិត្យអនុវត្តច្បាប់ចរាចរណ៍ផ្លូវគោកឃើញថា យានយន្តដែលល្មើសសរុប ទូទាំងប្រទេសមាន ចំនួន ៦២៤ គ្រឿង ក្នុងនោះបានធ្វើការអប់រំចំនួន ១៦៨ គ្រឿង និងពិន័យសរុប ចំនួន ៤៥៦ គ្រឿង ៕
){kind=link}
មតិយោបល់